आज ७४ औँ प्रजातन्त्र दिवस देशभर मनाईदै छ । २००७ सालको फागुन ७ गते एकतन्त्रीय जहानियाँ राणा शासन अन्त्य भइ प्रजातन्त्र स्थापना भएको सम्झनामा यो दिवस मनाउन थालिएको हो ।
फागुन ७ गतेकै जगमा टेकेर २०४६ सालको चैत २६ गते प्रजातन्त्र पुनःस्थापना भएको थियो ।
यसैको जगमा २०६३ सालको वैशाख ११ गते लोकतन्त्र प्राप्त भएको थियो । यसै पृष्ठभूमिमा २०६५ सालको जेठ १५ गते पहिलो संविधानसभाले नेपाललाई सङ्घीय लोकतान्त्रिक गणतन्त्रात्मक देशको रुपमा स्थापित गरेको छ ।
दोस्रो संविधानसभाले २०७२ सालको असोज ३ गते संविधान घोषणा गरी कार्यान्वयन भएको छ । सबै परिवर्तनको जग फागुन ७ गतेको प्रजातन्त्र दिवस भएकाले पनि यसलाई विशेषरुपमा मनाउने गरिएको छ । सरकारले आज सार्वजनिक बिदा दिएको छ ।
सरकारले ६ देखि ८ गते सम्म ३ दिन प्रजातन्त्र मनाउने निर्णय गरे अनुसार अर्घाखाँची जिल्लाको पाणिनि गाउँपालिकाले हिजो माध्यमिक तह स्तरिय हाजिरिजवाफ प्रतियोगिता सम्पन्न गरेको थियो । यस्तै देशभर स्थानिय तहहरुले विविध कार्यक्रम गरि मनाउँदै छन् ।