अर्घाखाँची ।
जिल्लाको पाणिनी गाउँपालिका वडा न. ७ अड्गुरिमा संचालित दोस्रो वडाध्यक्ष कप भलिबलको उपाधी लगातार दोस्रो पटक पनि साविक वडा न. ५ झन्द्रेकले हात पारेको छ ।
उपाधी हात पारेसङ्गै झन्द्रेकले नगद ७ हजार सहित कप, मेडल र प्रमाणपत्र प्राप्त गरेको छ । यस्तै उपबिजेता बनेको दुविचौरले नगद ५ हजार सहित कप, मेडल र प्रमाणपत्र प्राप्त गरेको छ ।
प्रतियोगितामा तेस्रो बनेको ढाक्रेवासले नगद ३ हजार सहित सहित कप, मेडल र प्रमाणपत्र प्राप्त गरेको छ ।
यस्तै प्रथम पालिका स्तरीय भलिबल प्रतियोगिताको उपाधी भने पणेनाले हात पारेको छ ।
उपाधी सङ्गै पणेनाले नगद १५ हजार सहित कप, मेडल र प्रमाणपत्र प्राप्त गरेको छ । यस्तै उपबिजेता बनेको खिदिमले नगद १० हजार सहित कप, मेडल र प्रमाणपत्र प्राप्त गरेको आयोजक क्लवका अध्यक्ष सन्दिप पोख्रेलले बताएका छन ।
पालिका स्तरको प्रतियोगितामा अड्गुरीले भने तेस्रो स्थानमा चित्त बुझाएको छ ।
गणतान्त्रिक सृजनसिल युबा क्लवको आयोजना र वडा न. ७ अड्गुरिको आर्थिक सहयोगमा चैत १० बाट शुरु भएको प्रतियोगिता १२ गते सकिएको हो ।
प्रतियोगितामा बिजेता खेलाडी तथा समुहलाई वडा अध्यक्ष गुनाखर अधिकारीले पुरस्कार प्रदान गर्दै शुभकामना दिएका छन ।