अर्घाखाँची ।
जिल्लाको पाणिनी गाउँपालिका वडा न. ६ धातिवाङ्गमा २०८१ बैशाख १ गते खुल्ला लोकभजन प्रतियोगिता हुने भएको छ । वडा कार्यालयको आयोजनामा धार्मिक पर्यटक भित्राउने र स्थानीय पर्यटकिय क्षेत्रको प्रवर्द्धन गर्ने उद्धेश्यका साथ आयोजना गरिएको प्रतियोगितामा प्रथम हुने समुहले नगद १५ हजार प्राप्त गर्नेछन ।
यस्तै प्रतियोगितामा दोस्रो, तेस्रो र शान्त्वना हुने समूहले क्रमशः १२ हजार , ८ हजार र ४ हजार प्राप्त गर्नेछन ।
प्रतियोगितामा सहभागीता जनाउने समूहले लोक संस्कृतिको जगेर्नाका लागि स्थानीय तहको भुमिका बिषयको शिर्षकमा भजन तयार गर्नुपर्ने आयोजकले जारी गरेको सुचनामा उल्लेख गरेको छ ।
