वैदिक सनातन धर्म सेवा अर्घाखाँचीको आयोजनामा मैदानमा बृहत शिव पुजन, तथा बिविध पुजा सम्पन्न भएको छ ।
पाणिनी गाउँपालिकाको वडा न. ५ मैदानमा रहेको मनोकामना मन्दिरमा सम्पन्न पुजामा विभिन्न धार्मिक अनुश्ठान सहित भजन कृतन समेत प्रस्तुत भएका थिए ।
पटौटिको रामजानकी मजन समूह चोराहा र झुमा देविभजन समूह मैदानको बिशेश प्रस्तुति सहित श्रावणको सोमवार पारेर शिव पुजन, रुद्री तथा शिव भगवानलाई ५१ हजार बिल्वपत्र अर्पण, ११ सुते बत्ती जलाउने लगायतका धार्मिक गतिविधि हरु सम्पन्न भएका हुन ।
कार्यक्रममा पालिका सहित अन्य स्थानबाट समेत थुप्रै श्रदालु भक्तजनको उपस्तिथिमा सम्पन्न कार्यक्रम सस्थाका अध्यक्ष चन्द्रमणि घिमिरेको अध्यक्षता र महासचिव अनन्तप्रसाद घिमिरेको संचालमा भएको हो ।
वैदिक सनातन धर्म सेवा समाजले विभिन्न धार्मिक गतिविधि तथा सामाजिक तथा परोकारका कार्यहरूमा सक्रियता देखाउदै आएको छ ।
आजको कार्यक्रममा आयोजकले भजन मण्डलि तथा पत्रकारहरुलाई सम्मान गरेको थियो ।