कपिलवस्तु ।
कपिलवस्तुमा मतगणना रोकिएको छ । कपिलवस्तु क्षेत्र नं ३ को प्रदेशसभा १ तर्फको मतगणना रोकिएको हो ।
पछिल्लो परिणामअनुसार एमालेका उम्मेदवार अर्जुन केसीले ११ हजार ७३५ मत पाउदा लोसपाका उम्मेदवार रविदत्ता मिश्राले ११ हजार ७२८ मत पाएका छन् ।
केसी निर्वाचित भइसकेको एमाले नेता कार्यकर्ताको दाबी छ । उनीहरूले ७ मतले केसी विजयी भएको बताएका छन् ।
अर्कातर्फ लोसपाका नेता-कार्यकर्ताले भने मतगणनामा धाँधली भएको भन्दै नाराबाजी गरेका छन् । जसका कारण मतगणना रोकिएको छ । अर्कातर्फ निर्वाचन अधिकृतले भने आधिकारिक रूपमा विजयी घोषणा गरेका छैनन् ।
नाराबाजी हुन थालेपछि सुरक्षा व्यवस्था कडा पारिएको छ ।
