अर्घाखाँचीको पाणिनि गाउँपालिकामा साताैँ राष्ट्रपति रनिङ शिल्ड प्रतियोगिता आजबाट सुरु भएको छ।
पाणिनि गाउँपालिकाको आयोजनामा गाउँपालिकास्तरीय साताैँ राष्ट्रपति रनिङ शिल्ड प्रतियोगिता आजबाट सुरु भएको हो ।
पाणिनि गाउँपालिकाको केन्द्र दुर्गाफाट स्थित बरका रूख खेल मैदान, दुर्गाफाँटमा बिहिबारदेखि प्रतियोगिता सुरु प्रतियोगिताको उद्घाटन पाणिनि गाउँपालिकाका अध्यक्ष टेकराज न्यौपानेले गरेका हुन । कार्यक्रम उद्घाटन गर्दै अध्यक्ष न्यौपानेले स्थानीय खेलाडीहरूको क्षमता अभिवृद्धि गर्न यस्ता प्रतियोगिताहरू आवश्यक रहेको बताए । उनले खेलकुदले शारीरिक तथा मानसिक विकाससँगै अनुशासन र एकताको भावना विकास गराउने उल्लेख गरे ।
कार्यक्रममा पालिकाको शिक्षा शाखा प्रमुख तेजबहादुर खनालले पालिकाका माध्यमिक स्तरका विद्यार्थीहरूले प्रतियोगितामा प्रतिस्पर्धा गर्ने बताए । उनले तीन दिनसम्म सञ्चालन हुने प्रतियोगिताका उत्कृष्ट खेलाडीले जिल्लास्तरीय प्रतियोगितामा भाग लिने बताए ।
प्रतियोगितामा गाउँपालिकाभित्रका सबै वडाका विद्यालयहरूले भाग लिएका छन् । विद्यालयस्तरीय खेलकुद प्रतियोगिताअन्तर्गत एथलेटिक्स, भलिबल लगायतका १२ विधाका २४ स्वर्णका लागि प्रतिस्पर्धा हुने जनसेवा माविका खेल शिक्षक गोविन्द पाैडेलले जानकारि दिए । प्रतियोगिताका विजेताहरूलाई सम्मानपत्र, ट्रफी र अन्य पुरस्कार प्रदान गरिने आयोजकले जनाएको छ । प्रतियोगितामा पालिकाभित्रका १३ विद्यालयका करिब ३ सय ५० विद्यार्थीले प्रतिस्पर्धा गर्नेछन् ।
प्रतियोगिता तीन दिनसम्म सञ्चालन हुनेछ।