१३ फाल्गुन २०८०, आइतवार
१३ फाल्गुन २०८०, आइतवार

महिला अधिकारको सुनिश्चितता एमालेले गर्छ : अध्यक्ष भुसाल

अखिल नेपाल महिला संघ (अनेमसंघ) अर्घाखाँचीद्वारा सन्धिखर्कमा आयोजित दुई दिने प्रशिक्षण कार्यक्रममा मन्तव्य राख्दै उहाँले नेकपा एमालेको सरकारले मात्रै महिला अधिकार सुनिश्चित गर्ने भन्दै एमालेको पक्षमा जनमत सिर्जना गर्न महिलाहरूलाई आग्रह गर्नुभयो ।

वर्तमान परमादेश सरकारका कारण मुलुक गम्भीर संकटमा फसेको भन्दै उहाँले आसन्न निर्वाचनमा नेकपा एमालेलाई विजयी गराउनुपर्ने बताउनुभयो । सरकार हरेक क्षेत्रमा असफल रहेको भन्दै नेता भुसालले राष्ट्रिय स्वाभिमान माथि आँच पुर्याएको,महंङ्गी नियन्त्रण गर्न नसकेको ,भ्रष्टाचारलाई प्रोत्साहन गरेको ,अनियमितता र ढिलासुस्ती बढेको आरोप लगाउनु भयो । उहाँले परमादेशबाट निर्मित वर्तमान सरकारलाई मंसिर -४ मा हुने निर्वाचन बाट विस्थापित गर्न नसके देश र जनताले ठुलो मुल्य चुकाउनु पर्ने आसंका समेत प्रकट गर्नुभयो ।
कार्यक्रममा मन्तव्य राख्दै अखिल नेपाल महिला संघका केन्द्रीय सचिवालय सदस्य ईन्दिरा फुयाँलले महिला अधिकार सुनिश्चितताको निम्ति थप संघर्ष गर्नुपर्ने बताउनुभयो ।
उहाँले महिलाहरूले राजनीतिक अधिकार पाए पनि आर्थिक,सामाजिक र सांस्कृतिक अधिकार पाउन बाँकी रहेको बताउनुभयो ।

अनेमसंघका केन्द्रीय सचिवालय सदस्य विजुला रायमाझीले सामाजिक न्याय ,समानता र आत्मसम्मानको निम्ति निरन्तर संघर्ष गरिरहनुपर्ने बताउनुभयो । उहाँले सामाजिक विकृति ,लैङ्गगिक हिंसा र विभेदका बिरुद्ध आवाज बुलन्द गर्न महिलाहरुलाई आग्रह गर्नुभयो ।
कार्यक्रममा नेकपा एमाले लुम्बिनी प्रदेश कमिटीका सदस्य प्रेमनारायण गैरे,प्रमिला क्षेत्री ,एमाले जिल्ला कमिटीका उपाध्यक्ष ईश्वरा पोख्रेल ,जिल्ला कमिटी सदस्य तथा अनेमसंघ ईन्चार्ज मिश्रा आचार्य ,जिल्ला कमिटी सदस्य विष्णु आचार्य ,माया भुसाल ,शुशीला गैरे,जिल्ला समन्वय समितिका उपप्रमुख लक्ष्मी ज्ञवाली ,मालारानी गाउँ पालिकाका उपाध्यक्ष दिपा पोख्रेल ,महिला नेतृ हरिदेवी घिमिरे ,एमाले जिल्ला कमिटी सदस्य शुष्मा श्रेष्ठ लगायतका नेताहरुको उपस्थिति रहेको थियो ।

कार्यक्रम अखिल नेपाल महिला संघका जिल्ला अध्यक्ष दीपा आचार्यको अध्यक्षता ,उपाध्यक्ष सुनिता भट्टराईको स्वागत मन्तव्य र सचिव मेनका पौडेलको संचालनमा सम्पन्न भएको थियो ।
कार्यक्रममा जिल्ला भरीका अगुवा महिला नेतृहरुको सहभागीता रहेको थियो । अनेमसंघले पालिका र वडा तह सम्म प्रशिक्षण कार्यक्रम संचालन गर्ने तयारी गरेको जिल्ला अध्यक्ष आचार्यले बताउनुभयो । केन्द्रिय सचिवालय सदस्य फुयाल ले बताउनु भयो।आफुलाइ कसैले पनि तिमी यस्तो काममा लाग भन्नू भन्दा पनि स्वयं आफै समाजमा तदारुकताका साथ लाग्न सके कसैको दबाबले केही फरक नपर्ने बताउनु भएको छ। महिला आफै मैले केही गर्न सक्दैन कि भन्ने मानसिकताले घरमै सिमित हुनु परेको फुयालको भनाइ छ।यसैगरी प्रशिक्षक रायमाझीले अनेम सघको महत्व यसको जन्म हुनुको प्रमुख कारण र महिला सशक्तीकरणका बिषयमा बताउनु भएको छ ।

यसैगरी महिलाको समाजको हुने प्रमुख भुमिका र असल नेतृत्वका बारेमा प्रशिक्षण दिनु भएको थियो।कार्यक्रम अनेम संघ जिल्ला अध्यक्ष दिपा आचार्यको प्रमुख आथित्यता र सचीव मेनका पौडेलको सच्चालनमा सम्पन्न भएको हो ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
तपाईको प्रतिक्रिया

सम्बन्धित न्यूज

ट्रेन्डिङ्ग

ताजा समाचार