कक्षा १२ को नतिजा : पाणिनिमा शिवमदन अगाडि

प्रकाश प्युठानी / पाणिनि
अर्घाखाँची । हालै प्रकशित कक्षा १२ को नतिजामा जिल्लाको पाणिनी गाउँपालिकामा शिवमदन माध्यमिक बिधालय अगाडि देखिएको छ ।
पाणीनि गाउँपालिकामा कक्षा १२ चलेका बिधालयहरु मध्येबाट यस बिधालयको नतिजा सर्वोत्कृष्ट आएको बिधालयले बताएको हो ।
कुल ८८ जना परिक्षार्थी सहभागी भएकामा ४३ जना बिद्यार्थीले उच्च शिक्षाका लागि योग्य देखिएका छन भने ३२ जनाले ग्रेड वृद्धिको परीक्षा दिन पाउने भएका छन ।
यता प्राप्त जि.पि.ए. लाई हेर्दा पनि पाणिनिका ८ बिधालयमा सबैभन्दा धेरै ३.२१ जिपिए सहित अग्र स्थानमा पनि शिवमदन मा.बि. नै देखिएको बिधालयका प्राचार्य राजेन्द्र पौडेलले बताउनुभएको छ ।