खोलाले बगाउँदा अर्घाखाँचीमा एक जनाको मृत्यु

अर्घाखाँची
अर्घाखाँचीमा खोलाले बगाउँदा एक जनाको मृत्यु भएको छ ।
स्थानीय बेङ्दि खोलाले बगाउदा छत्रदेव गाउँपालिका वडा नं. ३ का ६५ बर्षिय धन बहादुर घर्ति मृत्यु भएको जिल्ला प्रहरी कार्यालय अर्घाखाँचीले जनाएको छ । घर्तिलाई मंगलबार दिउसो गोरु चराउन भनि खोलामा गएको बेला खोला तर्दै गर्दा खोलाले बगाएको थियो ।

आज मंगलबार दिउँसो खोलाले बगाएर बेपत्ता भएका घर्तिको खोजतलास गर्दा घटना स्थलदेखिकरिव १० किलो मिटर तल धोबिघाटमा शब फेला परेको थियो ।शव पोष्मार्टमका लागि जिल्ला अस्पताल सन्धिखर्कमा पुर्‍याईएको छ ।