३१ असार २०८१, सोमवार
३१ असार २०८१, सोमवार

राष्ट्रिय स्वाभिमान र विकासको निम्ति एमाले :घिमिरे

अर्घाखाँची /कार्तिक -१३
नेकपा एमालेका नेता रामजी प्रसाद घिमिरेले राष्ट्रिय स्वाभिमान र बिकासको निम्ति नेकपा एमालेलाई विजयी गराउनुपर्ने बताउनुभएको छ ।
नेकपा एमाले सन्धिखर्क वडा नं.-२ द्वारा वडाका विभिन्न ठाउँमा आयोजित जनभेटघाट तथा छलफल कार्यक्रममा मन्तव्य राख्दै उहाँले आसन्न निर्वाचनमा नेकपा एमाले विजयी नभए मुलुकमा ठुलो संकट आउने चेतावनी दिनुभयो । सत्तारूढ गठबन्धन ठगबन्दनमा परिणत भएको स्मरण गराउँदै घिमिरेले परमादेश सरकार बने सँगै मुलुकमा महंङ्गी र कालाबजारी बढेको ,भ्रष्टाचार मौलाएको ,राज्यका हरेक अंग माथि हमला गरेको आरोप लगाउनुभयो । वर्तमान गठबन्धन सरकारले नागरिकता विधेयक पास गरेर गम्भीर गल्ती गरेको भन्दै उहाँले संसद बाट छलछाम गरेर पासगरेको राष्ट्रघाति नागरिकता विधेयक रोकेर राष्ट्रपतिले देश र राष्ट्रको पक्षमा ऐतिहासिक र गौरवमय निर्णय लिएको बताउनुभयो । घिमिरेले ५ दलिय गठबन्धन राष्ट्र निर्माण र बिकासको निम्ति नभई राष्ट्रघात र लुटतन्त्रको निम्ति निर्माण गरिएको आरोप समेत लगाउनु भयो ।
नेकपा एमालेको तर्फबाट क्षेत्र नं.-१ (ख) का उम्मेदवार बन्नुभएका उहाँले आफुहरु निर्वाचित भएपछि जिल्लामा धेरै महत्त्वपूर्ण काम गरेको बताउँदै, आफुलेगरेको जति काम आफ्नो क्षेत्रमा कसैले गर्न नसकेको जकिर गर्दै अहिलेका अनुहारले पनि केही गर्न नसक्ने उहाँको भनाइ थियो । उहाँले अर्घाखाँचीलाई नमुना जिल्ला बनाएरै छोड्ने प्रतिबद्धता समेत व्यक्त गर्नुभयो ।
नेकपा एमाले वडा कमिटीका अध्यक्ष नारायण खड्काको अध्यक्षतामा सम्पन्न कार्यक्रममा नेकपा एमाले प्रदेश कमिटीका सदस्य प्रमिला क्षेत्री ,क्षेत्रीय समन्वय कमिटीका संयोजक रामचन्द्र पोख्रेल ,सन्धिखर्क नगर कमिटीका अध्यक्ष श्रीकृष्ण भुसाल ,जिल्ला कमिटीका सदस्य शुष्मा श्रेष्ठ ,प्रदिप नेपाली ,बयोवृध्द नेता लालमणी भुसाल ,चन्द्रप्रसाद श्रेष्ठ ,नेताहरू लेखनाथ भुसाल ,टोपलाल खनाल ,शिव पोख्रेल ,नेता भुसाल ,पार्वता भुसाल ,पार्वता श्रेष्ठ ,दिपक नेपाली ,धर्मराज पौडेल ,यज्ञप्रसाद पौडेल ,भुपलाल पौडेल ,नारायण पौडेल ,पवित्रा सापकोटा लगायतको उपस्थिति रहेको थियो ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
तपाईको प्रतिक्रिया

सम्बन्धित न्यूज

ट्रेन्डिङ्ग

ताजा समाचार