११ फाल्गुन २०८०, शुक्रबार
११ फाल्गुन २०८०, शुक्रबार

सन्धिखर्क-२ आफ्नै भवनमा , चौतर्फी बिकासको निम्ति एकता बद्ध बनौं :श्रेष्ठ

शोभाखर पन्थी
अर्घाखाँची /कार्तिक -२६

सन्धिखर्क नगरपालिकाका नगर प्रमुख कृष्णप्रसाद श्रेष्ठले सन्धिखर्कको चौतर्फी बिकासको निम्ति सबैपक्ष एकजुट भएर अगाडि बढ्नुपर्ने बताउनुभएको छ ।
सन्धिखर्क नगरपालिका वडा नं.-२ को नबनिर्मित कार्यालय भवनको उद्घाटन गर्दै उहाँले सन्धिखर्क नगरपालिकाले पुर्वाधार बिकासको कामलाई तिब्र रुपमा अगाडि बढाएको भन्दै नगरको चौतर्फी बिकासको निम्ति सबै पक्ष एकाकार भएर अगाडि बढ्नुपर्ने बताउनुभयो । नगरपालिकाको प्रत्येक वडामा वडा कार्यालय र स्वास्थ्य चौकी भवन निर्माण गर्ने तयारी भएको उहाँ भनाइ थियो ।
नगर प्रमुख श्रेष्ठले पुर्वाधार निर्माणले मात्रै नगरको चौतर्फी बिकास हुन नसक्ने भन्दै स्वरोजगार मार्फत नगरबासीलाई आत्मनिर्भर बनाउनको निम्ति नगर नगर पालिकाले व्यवसायीक कृषि र पर्यटन बिकासमा जोड दिएको बताउनुभयो । उहाँले पर्यटन प्रबर्द्धन गरि लुम्बिनी आउने पर्यटकलाई सुपादेउराली र सुपारी देउराली आउने पर्यटकलाई सन्धिखर्क,अर्घा र मथुरा सम्म ल्याउने वातावरण निर्माणको तयारी भैरहेको समेत बताउनुभयो ।
कार्यक्रममा सन्धिखर्क नगरपालिकाका नगर उपप्रमुख मिश्रा आचार्य ,पुर्व नगर प्रमुख कमल प्रसाद भुसाल , पुर्व नगर उपप्रमुख ठाकुर कुमार बि.क.किशोर ,प्रमुख प्रशासकीय अधिकृत खुमलाल भुसाल ,नापी कार्यालय कलंकी काठमाडौंका कार्यालय प्रमुख खिमबहादुर राना ,लगायतका वक्ताहरूले मन्तव्य राख्दै सन्धिखर्क नगरपालिकालाई हराभरा ,सुन्दर र समृद्ध नगरपालिका बनाउने गरि काम गर्नुपर्नेमा जोड दिए ।
सन्धिखर्क नगरपालिका वडा नं.-२ का वडा अध्यक्ष म‍‍ोतिजङ्ग रायमाझीको अध्यक्षता , वडा सदस्य खिमबहादुर मुखियाको स्वागत मन्तव्य र वडा सचिव पुष्पा भुसालको संचालनमा सम्पन्न कार्यक्रममा भवन निर्माणको निम्ति बिशेष योगदान पुर्याउने सन्धिखर्क नगरपालिकाका पुर्व नगर प्रमुख कमल प्रसाद भुसाल ,पुर्व उपप्रमुख ठाकुर कुमार कि.क. किशोर ,बिशेष नापी कार्यालय सन्धिखर्कका तत्कालीन प्रमुख खिमबहादुर राना
,सहायक क्याम्प प्रमुख कविसिंह कठायत,सन्धिखर्क नगरपालिका वडा नं.-२ का पुर्व वडा सचिव विष्णुप्रसाद आचार्य ,सागर निर्माण सेवाका प्रोपाईटर काँसीराम बस्याललाई सम्मान गरिएको थियो ।
८ वटा कोठा र एउटा सभाहल समेत रहेको उक्त भवन करीब १ करोड ५ लाख रुपैयाँको लागत र १० महिनाको समय अबधिमा सागर निर्माण सेवाले सम्पन्न गरेको थियो ।
नवनिर्मित सुबिधा सम्पन्न भवन बाट सेवा प्रवाह गर्दा स्थानीय बासिन्दालाई निक्कै सहज हुने वडा अध्यक्ष मोतिजङ्ग रायमाझीले बताउनुभयो । कार्यक्रममा सन्धिखर्क वडा नं.-१ का अध्यक्ष माधव श्रेष्ठ ,६ का अध्यक्ष श्रीधर महत्रा, ७ का अध्यक्ष चुरा बहादुर के.सी.,९ का अध्यक्ष पदम भुसाल , अन्तरपार्टी महिला सञ्जालका अध्यक्ष ईश्वरा पोख्रेल ,अर्घाखाँची अस्पताल बिकास समितिका अध्यक्ष श्रीकृष्ण भुसाल ,सन्धिखर्क खानेपानी तथा सरसफाइ उपभोक्ता समितिका अध्यक्ष रामबहादुर रायमाझी ,पत्रकार महासंघका अध्यक्ष अशोक खनाल ,पुर्व अध्यक्ष शोभाखर पन्थी लगायतको उपस्थिति रहेको थियो ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
तपाईको प्रतिक्रिया

सम्बन्धित न्यूज

ट्रेन्डिङ्ग

ताजा समाचार