अर्घाखाँचीको शीतगङ्गा नगरपालिकाको वडा न.२ सीतापुरको झोलुङ्गे पुल नजिकै कार दुर्घटना हुँदा पाँच जना घाइते भएका छन् । ग ३ च १५७९ नम्बरको कार दुर्घटना हुँदा घाइते भएकामध्ये तीन जनाको अवस्था गम्भीर रहेको छ ।
तनहुँको आबुखैरेनीबाट अर्घाखाँचीको धार्मिक पर्यटकिय महत्व बोकेको सुपा देउराली मन्दिर दर्शन गर्न आउदै गरेका तिर्थालुहरु फर्कने क्रममा कार झोलुङ्गे पुल नजिकै दुर्घटना भएको जिल्ला प्रहरी कार्यालय अर्घाखाँचीले जनाएको छ ।
दुर्घटनामा गम्भीर घाइते भएका तीन जनालाई प्राथमिक स्वास्थ्य केन्द्र ठाडामा सामान्य उपचार पछि थप उपचारका लागि बुटवल रिफर गरिएको छ ।