कपिलवस्तु ।
कपिलवस्तु नगरपालिकाले छाडा गाईगोरुको व्यवस्थापन गर्न थालेको छ । छाडा गाईगोरुको कारण अस्तव्यस्त सडक र अन्नपात खाएर किसानले हैरान खेपिरहेका बेला कपिलवस्तु नगरपालिकाले यसको व्यवस्थापन थालेर सकारात्मक कामको थालनी गरेको हो ।
नगर प्रमुख सुदीप पौडेलको सक्रियतामा नगरपालिकाको वडा नं. ३ स्थित चपरतल्लामा गाईगोरुको व्यवस्थापन थालिएको हो ।
तौलिहवा र आसपासका छाडा गाईगोरुको व्यवस्थापन थालिएको नगर प्रमुख पौडेलले बताए ।
वरपर तारजाली लगाएर कान्जि हाउस निमार्ण गरी हालका लागि उक्त काम गरिएको उनले बताए । पछि व्यवस्थित रुपमा गाईगोरुको व्यवस्थापन गरिने र हालका लागि यहीँ व्यवस्थापन गरिएको उनले बताए ।
छाडा गाईगोरुको हैरानी खेपेपछि विद्यार्थीहरुले तौलिहवामा प्रदर्शन समेत गरेका थिए ।