कपिलवस्तु ।
जाडो बढेपछि कपिलवस्तु जिल्लाका २ वटा पालिकाका विद्यालय बन्द गरिएको छ। यशोधरा र सुद्धोदन गाउपालिका विद्यालय बन्द गर्ने निर्णय भएको हो।
एक सातासम्म शील लहर चले पछि जाडो बढेकाले पठनपाठनमा समस्या आएको भन्दै सरकारी र निजी विद्यालय बन्द गरिएको छ। यशोधरा गाउपालिका मा १४ दिन र सुद्धोदन गाउपालिकामा १० दिनको जाडो बिदा गरिएको हो। आउने पुस ३० गते सम्मकालागि विद्यालयमा बिदा दिइएको यशोधरा गाउपालिकाका प्रमुख प्रशाकीय अधिकृत तेज बहादुर सिंहले बताउनुभएको छ ।
यशोधरा गाउपालिकामा पुस १७ देखि पुस ३० सम्म र सुद्धोदन गाउँपालिकामा पुस २० देखि पुस ३० सम्म विद्यालय बिन्द गरिएको छ। जाडो र शीतलहरलाई मध्यनजर गर्दै बिदा गरिएको सुद्धोदन गाउपालिका प्रमख कमलेश शरण चौधरीले बताउनुभएको छ। जाडोले गर्दा आधारभुत तहमा अध्ययन गर्ने स–साना विद्यार्थीहरु बढी प्रभावित बनेका थिए।