बुटवल ।
रुपन्देहीको सालझण्डी ढोरपाटन सडक अन्तरगत पाल्पाको रैनादेवी छहरा गाउँपालिका वडा नं ८ खुर्सानेमा ग १ ख ४९७७ नम्बरको यात्रुबाहक बस दुर्घटनामा ६ जनाको ज्यान गएको छ ।
रुपन्देहीको सालझण्डीबाट यात्रु लिएर पाल्पाको रैनादेवी छहराको खुर्साने जाँदै गरेको उक्त बस खुर्साने पुग्नै लाग्दा बुढीदमार भन्ने स्थानमा दुर्घटनामा परेको वडा अध्यक्ष रेम बहादुर रानाले बताए ।
मृतकहरु सबै रैनादेवी छहरा गाउँपालिका वडा नं ८ खुर्सानेका भएको अनुमान गरिएको छ । रातको समयमा जंगल क्षेत्रमा दुर्घटना भएका कारण समयमा उद्धार गर्न समस्या परेको बताइएको छ।
‘घाईतेहरुलाई उपचारका लागि बुटवल पठाईएको छ । गाडीमा अझै पनि केही च्यापिएको अवस्थामा रहेका हुन सक्ने अनुमान पनि गरिएको छ ।
घटनामा मृत्यु हुने तथा घाइतेहरुको विवरण खुल्न सकेको छैन ।