लुम्बिनी प्रदेशको सभामुखमा एक र उपसभामुखमा तीन जनाको मनोनयन दर्ता भएको छ । आज सोमवार प्रदेश सभा सचिवको कार्यकक्षमा सभामुख र उपसभामुखमा मनोनयन दर्ता भएको हो । सभामुख र उपसभामुखमा भोलि मङ्गलवार मतदान हुने कार्यक्रम तय भएको भएपनि लुम्विनीमा सभामुखमा घर्ति निर्विरोध भएका छन् ।
सत्तारूढ दलको गठबन्धनका तर्फबाट सभामुखमा नेकपा माओवादी केन्द्रका तुलाराम घर्ती र उपसभामुखमा राप्राकी मेनुका खाँड केसीको मनोनयन दर्ता भएको छ ।
यस्तै उपसभामुखमा नेपाली कांग्रेसका विश्वप्रेम पाठक र नागरिक उन्मुक्ति पार्टीकी निर्मला देवी चौधरीको मनोनयन दर्ता भएको छ । कांग्रेसले सभामुखमा उम्मेदवारी दिएको छैन ।