माधव पौडेल / अर्घाखाँची
आई लभ यु युवा समुह पाणिनी गाउँपालिका वडा नं. २ पोखराथोक अर्घाखाँचीले आयोजना गरेको भलिबल खेलमा अर्घाखाँची बुलेटिनको समुहलाई पराजित गर्दै पाल्पाको श्रीनगर भलिबल संघले विजयी हासिल गरेको छ । माघ ६ गतेदेखी सुरु भएको खेल आज फाईनल भएको हो ।
फाईनल खेलमा पाल्पाले बुलेटिनलाई तिन सेटमा क्रमशः २५–१०, २५–२१ र २९–२७ ले पराजित गरेको हो । हिजो भएको अर्को खेलमा पाणिनी स्पोर्टस एकेडेमीलाई पराजित गर्दै परिवर्तित युवा क्लब पाणिनी ५ मैदानले तृतिय भएको हो। माघ ६ गतेदेखी सुरु भएको खेल आज फाईनल भएको हो ।कार्यक्रमको उद्घाटन सत्र आई लभ यु समुहका अध्यक्ष लोकराज विकको अध्यक्षता र विकास भट्टराईको सञ्चालनमा सम्पन्न भएको हो ।
कार्यक्रमका प्रमुख अथिति प्रमुख प्रशासकिय अधिकृत हुमलाल भुसालले बिजेता टिमलाई पुरस्कार वितरण गर्दै बधाई ज्ञापन गर्नुभएको छ । बिजेतालाई क्रमशः १ लाख १ हजार १ सय ११, दृतियलाई ६० हजार ६ सय ६६, तृतियलाई ४० हजार ४ सय ४४ सहित शिल्ड, ट्रफी, प्रमाणपत्र दिईएको आयोजक समितीका सञ्चार संयोजक संगम भट्टराईले बताए ।
