बेल्वासे बन्धुहरुको भेटघाट पाणिनीमा सम्पन्न

माधव बेल्वासे / अर्घाखाँची
बेल्वासे बन्धुहरुको साझा चौतारि बेल्वासे समाज केन्द्रीय कार्यसमितिका पदाधिकारिहरुको समुपस्थितिमा आज अर्घाखाँची जिल्लाको पाणिनी गाँउपालिकाका विभिन्न स्थानमा बसोबास गर्ने बन्धुहरुको भेटघाट तथा छलफल कार्यक्रम सम्पन्न भएको छ । समाजका केन्द्रिय अध्यक्ष नेत्रप्रसाद बेल्वासे , उपाध्यक्ष होमनारायण बेल्वासे, सचिव नरेन्द्र खत्री बेल्वासे, कोषाध्यक्ष जिवनकुमार बेल्वासे, सदस्य राम प्रसाद बेल्वासे लगायतका पदाधिकारिहरुको उपस्थितिमा कार्यक्रम सम्पन्न भएको हो । कार्यक्रममा बंशावलिमा छुटेका विषय बस्तुहरु संसोधन सहित निर्माण, देशभरका बेल्वासेहरुको एकता र संगठित गर्ने योजनाका विषयमा महत्वपुर्ण छलफल भएका छन् । साथै स्थानिय स्तरमा उपलब्ध जानाकारि तथा विवरणहरु केन्द्रिय समितिलाई उपलब्ध गराउने जस्ता निर्णहरु भएका आयोजकले बताएको छ । कार्यक्रममा पाणिनी गाउँपालिकामा बस्ने बेल्वासेहरुको प्रतिनिधिमुलक उपस्थिति रहेको थियो । कार्यक्रम पाणिनी गाउँपालिको वडा न. ७ चिवेकमा सम्पन्न भएको हो ।