झनक केशी-अर्घाखाँची जिल्ला शितगंगा नगरपालिका २ घुम्तीमा नगर स्तरीय हाजिर जवाफ तथा खुल्ला स्लो वाइक रेस प्रतियोगिता हुने भएको छ । नयाँ सोच युवा क्लब द्वारा आयोजित प्रतियोगिता यहि जेठ १४ र १५ गते हुने भएको छ।
प्रतियोगिता शितगंगा २ मा रहेको शान्ति आधारभूत विद्यालयको प्राङ्गणमा हुने छ। तिब्र गति जिवनको क्षति सडक दुर्घटना न्युनिकरण प्रोत्साहनको लागि स्लो वाइक रेसको आयोजना गरिएको आयोजकले शितगंगा बुलेटिनलाई जानकारी दिएको छ । स्लो वाइक रेसको लागि प्रतियोगिले जेठ १४ गतेसम्म दर्ता गरिसक्नुपर्ने छ ।जस्को दर्ताशुल्क रु ७०० राखिएको केशव खनालले जानकारी दिनुभयो ।
स्लो वाइक रेसमा क्रमशः प्रथम हुनेलाइ रु १५,००० ट्रफी मेडल र प्रमाणपत्र द्वितीय हुनेलाइ रु १०,००० ट्रफी मेडल र प्रमाणपत्र र तृतीय हुनेलाई रु ५,००० ट्रफी मेडल र प्रमाणपत्रको व्यवस्था गरिएको छ ।
हाजिर जवाफ तर्फ प्रथम हुनेलाई रु १५,००० ट्रफी मेडल र प्रमाणपत्र द्वितीय हुनेलाइ रु १०,००० ट्रफी मेडल र प्रमाणपत्र तृतीय हुनेलाइ रु ५,००० ट्रफी मेडल र प्रमाणको व्यवस्था गरिएको छ ।