११ फाल्गुन २०८०, शुक्रबार
११ फाल्गुन २०८०, शुक्रबार

बसाइँसराइ रोक्न प्रविधिमैत्री शिक्षा गाउँमै आवस्यक : समन्वय समिती प्रमुख कोइराला

अनिल नेपाली / अर्घाखाँची
जिल्ला शिक्षा समितिका अध्यक्ष तथा जिल्ला समन्वय प्रमुख जीवनारायण काेईरालाले शिक्षाका कारण बसाइँसराइ बढेर गाउँका सामुदायिक विद्यालयहरु खाली हुँदै गइरहेका बिषम अबस्थामा विद्यार्थीहरुलाई आधुनिक तरिकाबाट शिक्षा प्रदान गर्न आवश्यक रहेको बताउदै प्रमुख काेईरालाले सामुदायिक विद्यालयको गुणस्तर सुधार गर्न र प्रविधिमैत्री बनाउन सबै लाग्नु पर्ने बताए ।
अर्घाखाँचीको सन्धिखर्क नगरपालिका -२ शंखेटारीमा रहेको भगवती माध्यमिक विद्यालयलाई प्रविधिमैत्री बनाउन २२ लाख रुपैयाँ बराबरको सामाग्री सुर्याे नेपालले आयोजना गरेको हस्तान्तरण कार्यक्रममा बाेल्दै काेईरालाले यस्तो बताएका हुन् । विद्यालयका पूर्व विद्यार्थीहरुको पहलमा सूर्य नेपाल नामक संस्थाले कम्प्युटर, ल्यापटप, प्रोजेक्टर लगायतका २२ लाख रुपैयाँ बराबरका सामाग्री विद्यालयलाई हस्तान्तरण गरेकाे हाे । सामुदायिक विद्यालयलाई प्रविधिमैत्री बनाउन तथा समयसापेक्ष शिक्षा प्रदान गर्नका लागि विद्यालयका पूर्व विद्यार्थी तथा नेपाल सरकारका सहसचिव बाबुराम गौतम, कानुन उपसचिव हरिहर पौडेल, पूर्व विद्यार्थी नारायण गौतम, अनिल भुसाल लगायतको पहलमा ती सामाग्रीहरु विद्यालयलाई प्रदान गरिएको थियो ।
आफूले पढेको विद्यालयमा केही सहयोग गर्नु पर्छ भन्ने मान्यताका साथ र सामुदायिक विद्यालयमा विद्यार्थीको आकर्षण वृद्धि गर्न प्रविधीमैत्री सामाग्री हस्तान्तरण गरिएको विद्यालयका पूर्व विद्यार्थी तथा सामाग्री ल्याउन पहल गरेका बाबुराम गौतमले बताउनुभयो ।

फ्लाक्स बोर्ड, क्यामेरा, डेक्सटप कम्प्युटर पाँच थान, प्रिन्टर चार थान, ल्यापटप चार वटा, टीभी दुई वटा, इन्भर्टर र ब्याट्रीलगायतका सामाग्री विद्यालय व्यवस्थापन समितिका अध्यक्ष श्यामबहादुर भुसाल र विद्यालयका प्रधनाध्यापक ध्रुव केसीलाई हस्तान्तरण गरिएको छ ।
पूर्व विद्यार्थीहरुको पहलमा विद्यालयमा अत्यावश्यक सामाग्री प्राप्त भएको र यसले विद्यालयको पठनपाठनमा धेरै सजिलो हुने विद्यालय व्यवस्थापन समितिका अध्यक्ष श्यामबहादुर भुसालले बताउनुभयो । उहाँले प्रविधिको प्रयोग गरेर विद्यार्थीलाई अध्यापन गराउन सहयोग पुग्ने र विद्यालयको गुणस्तरमा पनि वृद्धि हुने अपेक्षा गरेकाे बताउनुभयो पछिल्लो समयमा सामुदायिक विद्यालयहरुको गुणस्तर खस्किरहेको समयमा पनि यस विद्यालय जिल्लामै सामुदायिक विद्यालयमध्ये उत्कृष्ट विद्यालयहरुको सूचीमा पर्ने गरेकाे छ । विद्यालयले गत वर्षको एसईई परीक्षाको नतिजामा सामुदायिक विद्यालयतर्फ प्रथम स्थान हासिल गर्न सफल भएको विद्यालयका शिक्षक शोभाखर पन्थीले जानकारी दिनुभयो ।


२०१७ सालमा स्थापना भएको यस विद्यालयमा पूर्वप्राथमिक तहदेखि कक्षा १२ सम्म झण्डै सात सय विद्यार्थी अध्ययनरत छन् । जिल्लाकै कानुन विषयको अध्यापन हुने यस विद्यालयमा शिक्षा, मानविकी, व्यवस्थापन कानुन विषयमा कक्षा सञ्चालन भइरहेकाे विद्यालयका प्रधानाध्यापक ध्रुव केसीले बताउनुभयो ।सामाग्री हस्तान्तरण कार्यक्रममा सन्धिखर्क-२ का वडाध्यक्ष मोतिजंग रायमाझी, पूर्वप्रधानाध्यापक नरेन्द्रकुमार क्षेत्री, मुकुन्दराज आचार्य, भविश्वर खनाल लगायतको उपस्थिति रहेको थियो ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
तपाईको प्रतिक्रिया

सम्बन्धित न्यूज

ट्रेन्डिङ्ग

ताजा समाचार