प्रथम अध्यक्ष कप भलिबलको उपाधी पणेनालाइ

प्रकाश प्युठानी / अर्घाखाँची ।
जिल्लाको पाणिनी गाउँपालिकामा जारी प्रथम अध्यक्ष कप भलिबलको उपाधी वडा न. १ पणेनाले हात पारेको छ । आज सम्पन्न फाइनल खेलमा वडा न. ३ खिदिमलाइ ३/१ को सेटमा पराजित गर्दै पणेनाले उपाधी आफ्नो पोल्टामा पारेको हो ।
बिजेता बनेसङ्गै पणेनाले नगद ४० हजार सहित कप प्राप्त गरेको छ ।
उपबिजेता बनेको खिदिमले नगद २५ हजार प्राप्त गरेको छ । आजै सम्पन्न तृतीय स्थानको खेलमा पटौटिले पोखराथोकलाइ पराजित गरेको छ । तेस्रो बनेको पटौटिले नगद १५ हजारमा चित्त बुझाएको छ ।
बिजेता खेलाडिलाइ पुरस्कार बितरण गर्दै गाउँपालिका अध्यक्ष टेकराज न्यौपानेले खेल र खेलाडिको बिकासका लागि पालिकाले शुरूवात गरेको बताउदै खेलाडी उत्पादन र उनिहरुको बिकासमा सक्दो कोसिस गर्ने बताउनु भएको थियो ।
कार्यक्रममा गाउँपालिका उपाध्यक्ष नर्मदा गौतम, प्रमुख प्रशासकीय अधिकृत रोमनाथ न्यौपाने, जिल्ला समन्वय समितिका सदस्य कमल प्रसाद घिमिरे, वडा अध्यक्षहरु, राजनैतिक दलका प्रतिनिधि, खेलाडी र खेल प्रेमी हरुको उल्लेख्य उपस्थिति रहेको थियो । कार्यक्रमको संचालन गाउँपालिका शिक्षा, युबा तथा खेलकुद शाखा प्रमुख तेज बहादुर खनालले गर्नुभएको थियो ।

साथै कार्यक्रममा सन्धिखर्कमा सम्पन्न AYC कप प्रतियोगितामा दोस्रो स्थान हासिल गर्ने खेलाडिलाइ दोसल्ल ओडाएर प्रमाणपत्र सहित पालिकाले सम्मान गरेको छ ।