स्वतन्त्र पार्टीको नेता रोलमोडल हुनुपर्छ, हामीलाई अरुजस्तै हुने छुट छैन : संयाेजक भुसाल

१४ पौष, अर्घाखाँची । राष्ट्रिय स्वतन्त्र पार्टी शितगंगा ५ अर्घाखाँचीको प्रथम अधिबेशन आज जुकेनामा सम्पन्न भएको छ ।
पार्टीका जिल्ला संयोजक हरिप्रसाद भुसालले घण्टी बजाएर उद्घाटन गरेको अधिवेशनले आयोजक समितिका संयोजक भविन्द्र शाहीको सभापतित्वमा वडा समितिको चयन गरेको छ ।
समितिको सदस्यहरुमा पान बहादुर नेपाली, बिरे कामी, माया अधिकारी, भेषराज पौडेल, युवराज गैरे, हुम बहादुर उचै मगर, ढुनकला पौडेल र माया पौडेल सदस्य रहेको वडा समितिको गठन गरेको छ ।
कार्यक्रमको उद्घाटन गर्दै जिल्ला संयोजक भुसालले राष्ट्रिय स्वतन्त्र पार्टीको कार्यकर्ता आचरण, व्यवहार र कार्यशैलीका हिसावले पनि फरक हुनुपर्ने बताए । “हामीलाई अरुजस्तै हुने छुट छैन” भुसालले भने “स्वतन्त्र पार्टीको नेता रोलमोडल हुनुपर्छ ।”
राष्ट्रिय स्वतन्त्र पार्टी कुनैपनि खालको भागवन्डाको पक्षमा नरहेको बताउदै भुसालले विधी कायम गर्ने सवालमा सतिसाल बनेर अगाडी बढ्न पार्टी सदस्यहरुलाई अनुरोध गरे ।
कार्यक्रममा रास्वपाको क्षेत्रीय सभापति कमल प्रसाद मरासिनी, भूमिकास्थान नगर संयोजक चिरन पन्थी, शितगंगा ३ का पूर्व वडा अध्यक्ष हेमनाथ भुसाल, शितगंगा ५ का पूर्व वडा अध्यक्ष कमल पौडेल लगायतले मन्तव्य राखेका थिए ।