माधव बेल्वासे / अर्घाखाँची ।
नेपाल पत्रकार महासङ्घ जिल्ला शाखा अर्घाखाँचीले संचालन गर्न लागेको पर्यटन प्रवर्द्धन कार्यक्रम अन्तरगत आज जिल्लाका विभिन्न वडाहरुमा अन्तर्क्रीया कार्यक्रम संचालन भएका छन । यसैबीच आज पाणिनी गाउँपालिकाका २ वटा वडाहरु धातिवाङ्ग र मैदानमा पनि अन्तर्क्रीया कार्यक्रम सम्पन्न भएका छन ।
धातिवाङ्गमा आयोजित कार्यक्रममा वडा अध्यक्ष कृष्ण प्रसाद पौडेलले पत्रकार महासङ्घले शुरु गरेको यस अभियानले सार्थकता पाउने बिश्वास गर्दै स्थानिय पर्यटकीय स्थलको प्रवर्द्धन गर्न र प्रचारप्रसारमा आफुहरुको साथ रहने बताएका छन । वडाका जनप्रतिनिधि, स्थानीय बिधालयका प्रधानाध्यापक तथा शिक्षकहरु, स्वास्थ चौकी प्रमुख, महिलास्वास्थ्य स्वमसेविका तथा स्थानिय बुद्धिजीवी लगयत्को उपस्तिथिमा कार्यक्रम सम्पन्न भएको हो । कार्यक्रममा उपस्थित ब्याक्तित्वहरुले धातिवाङ्गमा रहेका धार्मिक एतिहासिक तथा पर्यटकिय महत्त्व बोकेका स्थलहरुको चर्चा गरेका थिए ।
यस्तै आजै पाणिनी गाउँपालिकाको वाडा न. ५ मैदानमा आयोजित अन्तरक्रिया कार्यक्रममा वडाध्यक्ष इन्द्रमणी घिमिरेले मैदानका पौराणिक महत्व बोकेका गरिमा र पर्यटकीय स्थलहरु प्रचारप्रसारको अभावमा ओझेलमा परेको बताउदै यिनको सम्भावना लाई उचाइमा पुर्याउन पत्रकार महासङ्घको यो अभियानले सहजता हुने बिश्वास ब्याक्त गरेका छन ।
कार्यक्रममा मैदान स्थित बिधालयका प्रतिनिधि, राजनैतिक दलका प्रतिनिधि, सामाजिक संघ संस्थाका प्रतिनिधिहरु पत्रकार कमला घिमिरे लगायतको सहभागीता रहेको थियो ।
दुवै वडामा भएका कार्यक्रममा पत्रकार महासङ्घ अर्घाखाँचीका सदस्य घनश्याम पौडेलले कार्यक्रमको उद्देश्यको बारेमा चर्चा गरेका थिए भने पत्रकार प्रकाश प्युठानिले सहजीकरण गरेका थिए 
