त्रिदेशीय टी–२० शृङ्खलामा नेपालले आज दोस्रो खेल पनि घरेलु टोली हङकङसँग खेल्दैछ । खेल मोङकोकमा नेपाली समयअनुसार अनुसार बिहान सवा ११ बजेदेखि शुरु हुनेछ । शृङ्खलामा नेपाल, हङकङ र पपुवा न्यूगिनी रहेका छन् ।
खेल तालिका अनुसार पर्सि मंगलवार पीएनजीले नेपाल र हङकङ दुवै टोलीसँग खेल्नेछ । बुधवार फाइनल खेल हुनेछ । तालिकामा तेस्रो हुने टोलीले हङकङ ‘ए’ सँग टी–२० खेल्नेछ ।
नेपाल रोहित पौडेलको कप्तानीमा हङकङ भ्रमणमा छ । प्रशिक्षक मोन्टि देशाइले दीपेन्द्रसिंह ऐरी, आसिफ शेख, सोमपाल कामी, कुशल मल्ल, अनिल शाह र ललित नारायण राजवंशीलाई विश्राम दिएका छन् । हिजो हङकङसँगको भएको एकमात्र टी–२० अन्तर्राष्ट्रिय क्रिकेटमा नेपाल ७३ रनको लज्जास्पद हार ब्यहोरेको थियो ।