२९ असार २०८१, शनिबार
२९ असार २०८१, शनिबार

सहकारीले उत्पादनमुलक क्षेत्रमा लगानी गरे रोजगारी सिर्जना हुन्छ : प्रमुख श्रेष्ठ

अर्घाखाँची / २८ फागुन
सन्धिखर्क नगरपालिकाका नगर प्रमुख कृष्ण प्रसाद श्रेष्ठले सहकारीहरुले सेवा तथा उत्पादनमुलक क्षेत्रमा लगानी गर्न सके रोजगारीको सिर्जना हुने बताएका छन् । सन्धिखर्क नगरपालिका वडा न.१ मा संचालित साथी बहुउद्देश्यीय सहकारी उधोग तथा बिक्रि केन्द्रको एक कार्यक्रमका बिच शुभारम्म गर्दै नगर प्रमुख श्रेष्ठले यस्तो बताएका हुन । नगर प्रमुख श्रेष्ठले विकासको आधारमा सहकारीलाई समावेश गर्न सके समृद्धि हुने बताउँदै सहकारीको मूल्य र मान्यतालाई आत्मासाथ गरेर अगाडि बढेको साथी सहकारीले छोटो समयमा धेरै उपलब्धी हासिल गर्न सफल भएको बताए ।
बचत र ऋणको कारोबारसँगै संस्था समाज रुपान्तरण तर्फ अग्रसर भएको बताउदै संस्थाले उत्पादनको ग्यारेन्टी गरी बजारीकरण र गुणस्तरीयतालाई पनि ध्याद दिदै विश्वसनीयता कायम गर्नुपर्ने बताएका थिए ।
कार्यक्रममा प्रमुख जिल्ला अधिकारी कमलराज ढकालले सहकारीको अभिभावक राष्ट्र बैंक भएकोले सहकारीलाई निति नियम सिद्धान्तमा डो¥याउनुपर्ने बताएका थिए । करिब १ करोड रुपिया भन्दा बढी लगानीमा संचालनमा आएको उधोग तथा बिक्री केन्द्रले परम्परागत लोकउन्मुख बाली लाई प्राविधिको प्रयोग गरि उत्पादन गर्ने , किसान सग उन्नत बिउपल रासायनिक मल, किटनासक औंषधिको प्रयोग लाई न्यूनीकरण ( अर्गानिक उत्पादन ) ,उत्पादन संकलन, प्रशोधन, प्याकेजिङ गरि उचित मुल्यमा बिक्री बितरण गरिने , जिल्लाका सम्पुर्ण उधोगी व्यापारी सँग हातेमालो गरि ब्यावसाय संचालन गरिने मुख्य उद्येश्य रहेको तथा उधोग बाट उत्पादित बस्तुलाई लेवलिङ गरि बिक्री बितरण गर्ने जिल्ला सहकारी संघका अध्यक्ष प्रकाश भुसालले बताएका छ्न ।
कार्यक्रममा प्रहरी नायब उपरीक्षक प्रतीत सिंह राठौर , नेपाली काङ्ग्रेसका नेता लिलाधर बस्याल , नेकपा एमालेका नेता सरोज भुसाल, नेकपा माओबादी केन्द्रका नेतृ छम कुमारी खनाल चिनारी रास्ट्रिय स्वतन्त्र पार्टीका नेता हरि प्रसाद भुसाल ,राजमो नेता भिमलाल आचार्य , राप्रपा नेता महेन्द्र कुमार श्रेष्ठ ,नेकपाका नेता खिम बहादुर जिएम ,सन्धिखर्क नगरपालिकाका वडा अध्यक्षहरु जिल्ला बचत सहकारी संघका अध्यक्ष दोण भुसाल ,पतन्जली योग समितिका केन्द्रिय सदस्य जिल्ला शान्ता क्षेत्री ,उधोग बाणिय संघ , चेम्बर अफ कमर्श ,अर्घाखाँची उद्योग ब्यापार संघ ,निर्माण ब्याबसायी संघ अर्घाखाँची ब्यापार संघ ,कृषि ज्ञान केन्द्र , प्रधानमन्त्री कृषि आधुनिकिकरण परियोजना , घरेलु तथा साना उधोग बिकास कार्यालयका प्रमुख तथा प्रतिनिधिहरु शेयर सदस्यहरु तथा नेपाल पत्रकार महासंघका अध्यक्ष लगायत संचारकर्मीहरुको उपस्थित रहेको थियो । कार्यक्रम संस्थाका अध्यक्ष कृष्ण प्रसाद भुसालको अध्यक्षता ब्यावस्थापक रामु केसीको स्वागत मन्तब्य तथा सचीव धर्मराज भुसालको संचालनमा सम्पन्न भएको हो ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
तपाईको प्रतिक्रिया

सम्बन्धित न्यूज

ट्रेन्डिङ्ग

ताजा समाचार