चैत ०८,सन्धिखर्क ।
अर्घाखाँचीको सन्धिखर्कमा बिहिवार दिउँसो ट्याक्टर दुर्घटना हुँदा एक जनाको मृत्यु भएको छ। सन्धिखर्क नगरपालिका-१० मा लु ३ त ६४८ नम्बरको ट्याक्टर दुर्घटना हुँदा सन्धिखर्क नगरपालिका-९ राजुपानी बस्ने बर्ष १४ का सन्दिप बिकको मृत्यु भएको जिल्ला प्रहरी कार्यालय अर्घाखाँचीका प्रहरी निरीक्षक दिपेन्द्र रावलले जानकारी दिए।
सल्लाको मुढा बोकेको ट्याक्टर धरम्पानीको आदर्श आधारभूत विद्यालयको घुम्ती नजिकै दुर्घटनामा परेको हो । ट्याक्टरको ट्राली फुत्किदा ट्रालीमा रहेका काठका मुढाले च्यापिएर बिकको घटनास्थलमै मृत्यु भएको प्रहरीको भनाइ छ।
घटनाबारे थप अनुसन्धान भइरहेको प्रहरीले जनाएको छ।