अर्घाखाँचीमा जिप दुर्घटना हुँदा ७ जना घाइते भएका छन् ।
जिल्लाको सदरमुकाम सन्धिखर्कबाट बुटवलका लागि हिँडेको लु१ ज ४८७३ नम्बरको विद्युतीय गाडी सितगँगा नगरपालिका–२ सितापुरमा दुर्घटना भएको जिल्ला प्रहरी कार्यालय अर्घाखाँचीका प्रवक्ता प्रहरी निरीक्षक दीपेन्द्र रावलले जानकारी दिए ।
घाइतेमध्ये कपिलवस्तु शिवराज नगरपालिका–५ निवासी ७० वर्षीय रमा अधिकारीको अवस्था गम्भीर भएकाले थप उपचारका लागि बुटवल पठाएको छ । यस्तै ६ जना घाइतेहरूको स्थानीय थाडा स्वास्थ्य चौकीमा उपचार भइरहेको छ । जिपमा १४ जना सवार रहेका थिए ।