न्युज सम्वाददाता ।
अर्घाखाँची जिल्लाको पाणिनी गाउँपालिका ३, खिदिम सल्लेना डाडाटोल निवासी मिठी बि. क. को घर, गोठ गत बैशाख ७”गते बनमा लागेको आगो बस्तिमा पस्दा जलेर नस्ट भएको थियो ।
तत पश्चात् घरपरिवारको आर्थिक अवस्था बुझ्दा अत्यन्त कमजोर भएको र आर्थिक समस्या आइपरेको जानकारी पाएसँगै पत्रकार तथा सामाजिक अभियानता माधव पौडेलले सामाजिक संजालमार्फत सहयोगको लागि अपिल गरेका थिए । देश तथा विदेशमा रहेका नेपाली हरुले आर्थिक सहयोग गरेपछी अभियानबाट संकलन भएको रु. ९६ हजार ९ सय ३४ रुपैयाँ पिडित परिवार लाइ हस्तान्तरण गरिएको छ ।उक्त रकम मिठी बि.क.को घर निर्माणमै प्रयोग हुनेछ भने घर यहि जेठ भरीमा बनेर सकिने गरि योजना बनेको छ।
सहयोग रकम पाणिनी पर्यटन समाजका अध्यक्ष झबिन सुनाम , सचिब काशिनाथ बन्जाडे ,वडा न ३ खिदिमका वडा सदस्य हरि प्रसाद बन्जाडे , समाजसेवी सुर्य के सि लगायतको रोहवरमा हस्तान्तरण गरिएको पौडेलले बताएका छन ।
पत्रकार पौडेल विगत ७ वर्ष देखि पत्रकारिता गर्दै उनले सामाजिक कार्यमा समेत सक्रिय छन । उनी भन्छन् “मैले यो अभियान चलाएर पीडित परिवार को लागि के हि भए पनि सहयोग मिलेको महसुश गरेको छु ।”