अर्घाखाँची जिल्लाको पाणिनी गाउँपालिकाको वडा नं. ६ वडा कार्यालयले महिलाहरुका लागी मादल बजाउँन सिकाउने भएको छ ।
चालु आर्थिक वर्षको सुरुवात भएसँगै २०८१/०८२ मा स्वीकृत वार्षिक कार्यक्रम अनुसार महिलाहरुलाई नेतृत्व विकास तथा सिपमुलक कार्यक्रम अन्र्तगत वडा भित्रका महिलाहरुलाई मादल बजाउँने तालिम सञ्चालन गर्ने भएको वडा अध्यक्ष कृष्णप्रसाद पौडेलले बताउँनुभयो ।
वडा कार्यालय धातिवाङ्गले एक सुचना जारी गर्दै तालिममा सहभागी हुन इच्छुक व्यक्तीहरुबाट साविकका वडाहरुमा रहेका आमासमुहबाट निर्णय गराई वडा कार्यालयमा ७ दिनभित्र निवेदन पेश गर्न सार्वजनीक सुचना आव्हान गरेको वडा सचिव राजन महत्राले जानकारी दिनुभयो ।
निवेदनका साथमा नेपाली नागरिकताको प्रमाणपत्र र आमा समुहको निर्णयको प्रतिलिपी पनि माग गरिएको छ ।