अर्घाखाँची । पाणिनी पत्रकार समाज, नेपालको अध्यक्षमा भिम विश्वकर्मा सर्वसम्मत निर्वाचित भएका छन ।
पाणिनी गाउँपालिकामा सम्पन्न भएको प्रथम महाधिवेशन तथा दोस्रो साधारणसभाले भिम विश्वकर्माको अध्यक्षतामा सर्वसम्मत समिति चयन भएको छ । जसको बरिष्ठ उपाध्यक्षमा सुवास गौतम, उपाध्यक्षमा कमला घिमिरे, महासचिव शिवराज बेल्बासे, सचिव कमला परियार, सहसचिवमा संगम भट्टराई, कोषाध्यक्षमा घनश्याम भट्टराई र सदस्यमा माधव पौडेल, रचना परियार सर्वसम्मत चयन भएका छन ।
पाणिनी पत्रकार समाज नेपाल २०७९ भदौ १२ गते जिल्ला प्रशासन कार्यालय अर्घाखाँचीमा दर्ता भएको थियो । पत्रकार समाज पाणिनीका पत्रकारहरूको साझा संस्था हो ।