शिवराज बेल्वासे / अर्घाखाँची
लुम्बिनी प्रदेश सरकारका मुख्य मन्त्री चेतनारायण आचार्य यतिबेला जिल्लाका विभिन्न स्थानमा जनप्रतिनिधि तथा जनभेटघाटमा ब्यस्त हुनुहुन्छ । जिल्लाका ६ वटै स्थानीय तहमा पुगेर पालिकाका खास समस्या र जनस्तरका आवस्यकता तथा खास स्थिति बुझ्ने उद्धेश्यमा भेटघाट केन्द्रीत गर्दै मुख्य मन्त्री आचार्य आफ्नो गृह जिल्ला अर्घाखाँची आउनुभएको उहाँको सचिवालयले जनाएको छ ।
यसबीच भोलि मुख्य मन्त्री आचार्य जिल्लाको पाणिनी गाउँपालिकामा आउनुहुने भएको छ । गाउँपालिकाको केन्द्र दुर्गाफाटमा मन्त्री आचार्यले जनप्रतिनिधि तथा भेट गर्न इच्छुक आम सर्वसाधारण सङ्ग भेटघाट गर्नुहुने कार्यक्रम तय भएको छ ।
मन्त्री आचार्य भोलि भुमिकास्थान नगरपालिका लगायतका भेटघाट सकेर दिनको ३ बजे पाणिनिमा आउनुहुने बताइएको छ ।
