नमुना बचत तथा रिण सहकारी संस्था लिमिटेड पाणिनी गाउँपालिका वडा न. ७ अड्गुरिको २१ औं वार्षिक साधारण सभा आज सप्पन्न भएको छ ।
कार्यक्रममा बोल्दै पाणिनी गाउँपालिकाका अध्यक्ष टेकराज न्यौपानेले सहकारीमा सहकार्य र सह-अस्थित्वको मर्म अनुसार चल्नुपर्नेमा जोड दिनुभएको छ ।सहकारी प्रती जनगुनासो बढीरहेका बेला न्युनतम ब्याजदरमा रिण प्रवाह गरिरहेको प्रती नमुना सहकारीलाई धन्यवाद समेत दिनुभएको थियो ।
कार्यक्रमका प्रमुख अतिथि समेत रहनुभएका न्यौपानेले नगद तरलता कम गर्न ब्याजदर अझ घटाउनुपर्ने, सरल र सहज रिण प्रवाहमा ध्यान दिनुपर्नेमा जोड दिनुभएको छ ।
कार्यक्रममा बोल्दै पाणिनी गाउँपालिकाका प्रमुख प्रशासकीय अधिकृत रोमनाथ न्यौपानेले सहकारीलाई जनताको आवस्यकतामा प्रयोग गर्नुपर्ने बताउनुभएको छ । न्यौपानेले नमुना सहकारीको व्यवस्थापन र प्रदान गरेको सेवा उदाहरणीय भएको बताउदै साधारणसभा सफलताको शुभकामना दिनुभएको थियो ।
यस्तै कार्यक्रममा मन्तव्य राख्दै जिल्ला समन्वय समितिका सदस्य कमल प्रसाद घिमिरेले समयानुसार लगानीका स्रोत, कर्मचारीका समस्या लगायतका बिषयमा ध्यान दिनुहुन अनुरोध गर्नुभएको थियो ।
यस्तै कार्यक्रममा मन्तव्य राख्दै पाणिनी गाउँपालिका वडा न. ७ अड्गुरिका अध्यक्ष गुनाखर अधिकारीले सहकारीका माध्यम बाट लघु तथा कृषि कर्जा प्रवाह गरेर किसानका समस्यामा सङ्गै रहनु सहकारीको प्रशम्सायुक्त काम भएको बताउनुभयो ।
अधिकारीले किसानले गरेको उत्पादनलाई बजारिकरण गर्न र आवस्यक रिण प्रवाहमा समेत बिशेष व्यवस्था गर्न अनुरोध गर्नुभएको छ ।
कार्यक्रममा विभिन्न राजनैतिक दलका प्रमुख तथा प्रतिनिधि, सङ्घ संस्थाका प्रमुख, संस्थाका पुर्व पदाधिकारी, शेयर सदस्य तथा जनप्रतिनिधि, पत्रकार लगायत सामाजिक ब्याक्तित्वहरुको उपस्थिति तथा आतिथ्य रहेको थियो ।
कार्यक्रममा आर्थिक तथा साङ्गठनिक प्रतिवेदन र भावी योजनाहरु समेत प्रस्तुत गरिएको थियो ।
संस्थाका अध्यक्ष सुर्य प्रसाद भुसालको अध्यक्षतामा सम्पन्न कार्यक्रमको संचालन सचीव तुल्सिराम पौडेलले गर्नुभएको थियो ।
९ सय ५७ शेयर सदस्य रहेको यस सहकारीले कृषि, शिक्षा लगायत शेयर सदस्यहरुको आवस्यकताका आधारमा बचत तथा रिणको कारोबार गर्दै शेयर सदस्यको मन जित्न सफल भएको छ ।
कार्यक्रममा सेवाक्षेत्रका सामुदायिक बिद्यालयमा अध्ययनरत बिद्यार्थी मध्ये see र कक्षा १२ मा उत्कृष्ट छात्र छात्रा साथै अन्य बिधामा समेत विभिन्न ब्याक्तित्वहरु सम्मानित भएका थिए ।