नेपाल कम्युनिस्ट पार्टी माओवादी केन्द्र सन्धिखर्क नगरपालिकाकाे तेस्रो अधिवेशनबाट अध्यक्षमा पुनः माओवादी केन्द्रका नेता कृष्णहरि भुसाल अध्यक्षमा निर्वाचित हुनुभएको छ ।
भुसालको अध्यक्षतामा ४३ सदस्य रहेको सन्धिखर्क नगर कमिटी सर्वसम्मत रूपमा निर्वाचित भएको छ । नव निर्वाचित कमिटिको उपाध्यक्षमा सीता श्रीपाली, नाम बहादुर रायमाझी (काजिमान), बेदुराम भुसाल रहनुभएको छ । यस्तै सचिवमा मोहन सिंह ठकुरी, सहसचिवमा सरोज पौडेल, कृष्णादेवि बस्नेत कोषाध्यक्षमा निर्वाचित हुनुभएको निर्वाचन मण्डलका संयोजक दोर्णप्रसाद भुसालले बताउनुभएको छ । निर्वाचित अध्यक्ष तथा पदाधिकारी लगायत सदस्यलाई निर्वाचन संयोजक भुसालले सपथ गराउनु भएको थियोे । नवनिर्वाचित अध्यक्ष तथा पदाधिकारीलाई केन्द्रीय सदस्य तथा जिल्ला ईन्चार्ज ठाकुर कुमार बिक केन्द्रीय सदस्य तथा पुर्व राष्ट्रिय सभा सदस्य चन्द्रबहादुर खड्का उज्ज्वल , केन्द्रीय सदस्य छमकुमारी खनाल चिनारी लगायतले शुभकामना दिदै पार्टीकाे जिम्मेवारीलाई गहनतापुर्वक लागू गदै नगरभित्रका भ्रष्टाचार, कुशासन लगायतको विराेध गदै पार्टीकाे सङ्गठनमा लाग्न आग्रह समेत गनुभएकाे थियोे । अधिवेशनकाे केही दिन पहिला माओवादी केन्द्र केन्द्रीय उपाध्यक्ष तथा पुर्व मन्त्री पम्फा भुसालले उद्घाटन गर्नुभएको थियोे ।
अधिवेशनमा शपथ ग्रहण गदै अध्यक्ष कृष्णहरि भुसालले आफुले पाएको जिम्मेवारी जनताको जिम्मेवारी सम्झिई जनताका काम र बिकास निर्माण, सुशासन र सङ्गठन बिस्तारमा प्रयोग गर्ने बताउनुभयो ।
