काठमाडौँ — गृहमन्त्रालयले ५२ जना प्रमुख जिल्ला अधिकारीहरूको हेरफेर गरेको छ । शुक्रबार गृहमन्त्री रामबहादुर थापाले मन्त्रीस्तरीय निणर्यबाट ५२ जना सीडीओहरुको सरुवा रपदस्थापन गरेका हुन् ।
जस अनुसार जीवनप्रसाद दुलाललाई काठमाडौंबाट नुवाकोटमा प्रमुख जिल्ला अधिकारीका रुपमा सरुवा गरिएको छ । यस्तै सिन्धुलीका प्रमुख जिल्ला अधिकारी योगेन्द्रप्रसाद पाण्डेलाई पाल्पा सरुवा गरिएको छ । त्यस्तै बागलुङका प्रमुख जिल्ला अधिकारी सुरेश न्यौपानेलाई सिन्धुलीमा सरुवा गरिएको छ ।
त्यसैगरि गृहमन्त्रालयमा कार्यरत शालिग्राम शर्मा पौडेललाई जिल्ला प्रशासन कार्यालय गोरखामा प्रमुख जिल्ला अधिकारीका रुपमा सरुवा गरिएको छ। त्यस्तै गोरखाका प्रमुख जिल्लाअधिकारी तिर्थराज भट्टराईलाई महोत्तरी सरुवा गरिएको छ । हुम्लाका प्रमुख जिल्ला अधिकारी चिरन्जिवी गिरी कारागार कार्यालयको जेलरमा सरुवा हुनुभएको छ ।
५२ सीडीओको सरुवा र पदस्थापन सूचीसहित
तपाईको प्रतिक्रिया