काठमाण्डौ ।
नेपालले बेलायती महारानी एलिजाबेथ द्वितीयाको निधनमा तीन दिन शोक मनाउने भएको छ । आज बसेको मन्त्रिपरिषद् बैठकले बेलायती महारानीको निधनप्रति दुःख व्यक्त गर्दै उहाँको सम्मानमा तीन दिन शोक मनाउने निर्णय गरेको हो ।
प्रधानमन्त्री शेरबहादुर देउवाको अध्यक्षतामा बसेको बैठकले भदौ २५ देखि २७ गतेसम्म तीन दिन शोक मनाउने निर्णय गरेको हो । बैठकले तीन दिन नेपालभरका सरकारी कार्यालय, विदेशमा रहेका नेपाली राजदूतावास र नियोगहरूमा राष्ट्रिय झण्डा आधा झुकाउने निर्णय गरेको छ ।
बिहीवार राति स्कटल्यान्डको बालमोरल दरबारमा महारानी एलिजाबेथ द्वितीयाको ९६ वर्षको उमेरमा निधन भएको थियो ।
