४ असार २०८१, मङ्लबार
४ असार २०८१, मङ्लबार

अर्घाखाँचीको दुर्गाफाँटमा नेपाल ज्योतिष परिषद्को कार्यक्रम;ज्योतिष परिषद् पाणिनि गठन

अर्घाखाँची/पाणिनि
अर्घाखाँची जिल्लाको
पाणिनी गाउँपालिका अन्तर्गत गाउँपालिकाको सभाहरूमा नेपाल ज्योतिष परिषद लुम्बिनी प्रदेश कार्यसमितिको आयोजनामा ज्योतिष सम्बन्धी विशेष कार्यक्रम सम्पन्न भएको छ। नेपाल ज्योतिष परिषद अर्घाखाँची जिल्ला कार्य समितिका अध्यक्ष मोतिराज शर्माको अध्यक्षतामा उक्त कार्यक्रम सम्पन्न भएको छ ।

नेपाली समाजमा रहेकोे ज्योतिष सम्बन्धी मान्यतालाई स्पष्ट पार्ने उद्देश्यले उक्त कार्यक्रमको आयोजना गरिएको हो साथसाथै अर्घाखाँची जिल्लामा रहेका धार्मिक पौराणिक तथा सांस्कृतिक महत्वका स्थलहरुको बारेमा परिचित गराउँदै धार्मिक मूल्य र मान्यतालाई स्पष्ट रूपमा चिनाउने उद्देश्यले कार्यक्रमको आयोजना गरिएको नेपाल ज्योतिष परिषद लुम्बिनी प्रदेश कार्यसमितिका उपमहासचिव अनन्तप्रसाद घिमिरेले बताएका छन्।
आज सम्पन्न कार्यक्रममा नेपाल ज्योतिष परिषद्,पाणिनि गाउँ कार्य समितिसमेत गठन गरिएको छ। हरिप्रसाद घिमिरेको अध्यक्षतामा गठित उपाध्यक्षमा कृष्णप्रसाद पौडेल,चन्द्रमणी घिमिरे,सचिब नन्दलाल वि.क.,कोषाध्यक्ष झविलाल पन्थी लगायत ११ सदस्यीय नयाँ कार्यसमिति चयन भएको छ।

आजको कार्यक्रमका प्रमुख अतिथि पाणिनि गाउँपालिकाका प्रमुख टेकराज न्यौपाने, विशिष्ट अतिथी प्रशासकीय अधिकृत होमलाल भुसाल, नेपाल ज्योतिष परिषद् केन्द्रीय समितिका सचिब अर्जुनप्रसाद भट्टराई,नेपाल ज्योतिष परिषद् केन्द्रीय कार्य समिति फलित विभागका अध्यक्ष केशब गौतम,पाणिनि वार्ड न.८ का अध्यक्ष युवराज ज्ञवाली लगायत जिल्लाका विभिन्न व्यक्तित्वहरुको उपस्थिति रहेकोे थियोे।

कार्यक्रममा बोल्ने वक्ताहरुले पछिल्लो समय हिन्दु धर्म अप्ठ्यारो अवस्थामा रहेकोे र सनातन धर्मलाई संरक्षण र सम्बर्द्धन गर्नका लागि सबै जुट्नुपर्नेमा विशेष जोड दिएका थिए। कार्यक्रममा मन्तव्य राख्ने बक्ताहरुमा नेपाल ज्योतिष परिषद् लुम्बिनी कार्य समितिका उपमहासचिब अनन्तप्रसाद घिमिरे, प्रदेश कार्य समितिका सदस्य कौशल धामी,गाउँपालिका प्रमुख टेकराज न्यौपाने,प्रशासकीय अधिकृत हुमलाल भुसाल,पत्रकार महासंघका सदस्य घनश्याम पौडेल लगायत व्यक्तित्वहरु रहेका थिए।

कार्यक्रमको सन्चालन नेपाल ज्योतिष परिषद् लुम्बिनी प्रदेशका महासचिव ढुण्डिराज ज्ञवालीले गरेका थिए।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
तपाईको प्रतिक्रिया

सम्बन्धित न्यूज

ट्रेन्डिङ्ग

ताजा समाचार