नेपालमा पनि बढ्न थाल्यो संक्रमितको सङ्ख्या

नेपालमा पछिल्लो २४ घण्टामा १ सय ८८ जनामा कोरोनाभाइरसको संक्रमण पुष्टि भएको छ । ४ हजार ३२ जनामा पीसीआर परीक्षण गर्दा १ सय ८८ जनामा संक्रमण पुष्टि भएको हो । यही अवधिमा ७७ जना निको भएका छन् ।पछिल्लो समय नेपालमा हरेक दिन १ सयभन्दा कम संक्रमित फेला पर्न थालेकामा पछिल्लो दुई दिन देखि संक्रमितको संख्यामा बृद्धि भइरहेको छ । सोमबार मात्रै १५० जनामा संक्रमण पुष्टि भएको थियो ।