नेपालमा थपिए ११९ जना कोरोना संक्रमित, ३ जनाले गुमाए ज्यान

काठमाडौँ — पछिल्लो २४ घण्टामा आइतबार नेपालमा ११९ जना कोरोना संक्रमित थपिदा । कोरोना संक्रमितको संख्या २ लाख ७१ हजार ९ सय १५ पुगेको स्वास्थ्य तथा जनसंख्या मन्त्रालयले जनाएको छ । यस्तै, थप २ सय ६० जना संक्रमित निको हुँदा कोरोनाबाट निको हुनेहरुको संख्या २ लाख ६८ हजार ७२ पुगेको छ । हाल देशभर सक्रिय संक्रमितको संख्या १८ सय १५ छ । यस्तै, ९२ जना क्वारेन्टाइनमा रहेको मन्त्रालयले बताएको छ । आइतबारसम्म नेपालमा २० लाख ९३ हजार ४ सय १७ पीसीआर परीक्षण भएका छन् ।
यस्तै पछिल्लो २४ घण्टामा ३ जनाको मृत्यु भएको छ । मन्त्रालयका अनुसार हालसम्म कोरोनाबाट मृत्यु हुनेको संख्या २ हजार ३८ पुगेको छ ।