१४ जेष्ठ २०८१, सोमवार
१४ जेष्ठ २०८१, सोमवार

मणिपुरमा फेरि भड्कियो हिंसा, चार जनाको मृत्यु

मणिपुर ।
मणिपुरको विष्णुपुर र चुराचन्दपुर जिल्लाको सिमानामा आइतबार बिहान भएको हिंसामा कम्तीमा चार जनाको मृत्यु भएको छ ।

विष्णुपुरमा संदिग्ध चरमपन्थीको गोली लागेर मृत्यु भएका तीनै जना मेइती समुदायका रहेको बताइएको छ । यता आदिवासी संगठन आदिवासी जनजाति नेता फोरमले विज्ञप्ति जारी गर्दै कुकी समुदायका एक व्यक्तिको पनि हत्या भएको दाबी गरेको छ ।

हिंसाको बारेमा जानकारी दिँदै विष्णुपुर जिल्लाका प्रहरी अधिकारी एच बलरामले जुलाई २ मा बिहान करिब १२ बजे हतियारधारी चरमपन्थीहरूले मेइती गाउँ खुजुमा ताबी नजिकै गाउँलेहरूले बनाएको बङ्करमा आक्रमण गर्दा तीनजना गाउँलेको मृत्यु भएको बताए । गत मे ३ गतेदेखि राज्यमा हिंसा सुरु भएपछि गाउँलेहरूले आफ्नो सुरक्षाका लागि पहाडमा बङ्कर बनाएको प्रहरीले जनाएको छ ।

यसै क्रममा आइतबार बिहान करिब १२ बजेतिर लाङ्जा र चिङ्लाङ्मेईका कुकी आदिवासी गाउँहरूमा पनि आक्रमण भएको आदिवासी जनजाति नेता मञ्चले जनाएको छ ।

राजधानी इम्फालबाट करिब ७० किलोमिटर टाढा यी दुर्गम गाउँहरूमा हमार र कोम जातिका मानिसहरू बसोबास गर्दै आएका छन्। आदिवासी संगठनले आफ्नो एक विज्ञप्तिमा डेभिड थेक नामका व्यक्तिको हत्या भएको जानकारी दिएको छ ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
तपाईको प्रतिक्रिया

सम्बन्धित न्यूज

ट्रेन्डिङ्ग

ताजा समाचार