काठमाण्डौ । नेपाल र केन्याबीचको पाँचौँ तथा निर्णायक टी–२० क्रिकेट आज हुँदैछ । खेल नैरोबी जिमखाना क्रिकेट मैदानमा दिउँसो पौने चार बजे सुरु हुनेछ।
पाँच खेलको शृङ्खलामा २–२ को बराबरी भएको छ । हिजो भएको चौथो खेलमा नेपाल घरेलुु टोली केन्यासँग ७ रनले पराजित भयो ।
केन्यासँगको पहिलो खेलमा नेपाल ५ विकेटले विजयी भएको थियो भने दोस्रो खेलमा १८ रनले पराजित भएको थियो । त्यस्तै तेस्रो खेलमा नेपाल ४ विकेटले विजयी भएको थियो ।
टी–२० शृङ्खलापछि नेपालले घरेलु टोलीसँग तीन खेलको एकदिवसीय शृङ्खला खेल्नेछ । पहिलो खेल आउँदो १७ गते, दोस्रो खेल १८ गते र तेस्रो खेल २० गते हुने तालिका छ।
