काठमाण्डौ ।
साफ महिला च्याम्पियनसिप फुटबल प्रतियोगिता आजबाट काठमाण्डौमा सुरु हुँदैछ ।
बेलुका साढे ५ बजे सुरु हुने खेल काठमाण्डौको दशरथ रङ्गशालामा हुने प्रतियोगिताको उद्घाटन खेलमा नेपालले भुटानसँग प्रतिस्प्रधा गर्दै छ । पछिल्लो संस्करणको फाइनलमा नेपाललाई भारतले हराएको थियो । दक्षिण एसियाका सातै देशले सहभागिता जनाउन लागेको प्रतियोगितालाई साफले दुई समूहमा विभाजन गरी लिगकम नकआउटको आधारमा खेलाउँदैछ ।
प्रतियोगितामा नेपाल, भारत, श्रीलङ्का, भुटान, बङ्गलादेश, पाकिस्तान र माल्दिभ्स गरी सात देशले प्रतिस्पर्धा गर्दैछन् । समूह ‘ए’ मा नेपाल, श्रीलङ्का र भुटान छन् । समूह ‘बी’ मा भारत, बङ्गलादेश, पाकिस्तान र माल्दिभ्स छन् । प्रत्येक समूहबाट अङ्कको आधारमा शीर्ष दुई टोलीले सेमिफाइनलमा स्थान बनाउनेछन् ।