काठमाडौं । राजधानी न्युज पब्लिकेशन प्रालिकाे प्रमुख कार्यकारी अधिकृतमा डोलेन्द्र थापा नियुक्त भएका छन् । राजधानी न्युज पब्लिकेसन प्रालिले थापालाई मंगलबारदेखि लागू हुनेगरी प्रमुख कार्यकारी अधिकृत पदमा नियुक्त गरेको हो ।
पब्लिकेसनकी अध्यक्ष नन्दा शेरचनले थापालाई कार्यकारी अधिकृत पदमा नियुक्त गरेको जानकारी दिइन् । त्रिभुवन विश्वविद्यालयबाट व्यवस्थापनमा एमबीए गरेका थापा यसअघि हिमालय टाइम्स, सौर्य दैनिक, कमान्डर पोस्ट, आमनेपाली टेलिभिजनमा व्यवस्थापनको जिम्मेवारीमा थिए ।
मंगलबार कार्यालयमा उपस्थित थापाले आन्तरिक रूपमा राजधानी दैनिकका समस्यालाई सम्बोधन गर्दै सञ्चारको गरिमामय इज्जतलाई उच्च बनाउने कार्यमा सघाउने बताए ।