११ फाल्गुन २०८०, शुक्रबार
११ फाल्गुन २०८०, शुक्रबार

एसिया कप खेल्ने १९ वर्ष मुनिको नेपाली टोलि घोषणा

एसिया कप खेल्ने १९ वर्ष मुनिको नेपाली टोलि घोषणा भएको छ ।
एसीसी यू-१९ प्रिमियर कप विजेता टोलीबाट ३ खेलाडी परिवर्तन गर्दै प्रशिक्षक जगत टमाटाले टोली घोषणा गरेका हुन् । विश्वकप छनोट र प्रिमियर कप खेलेको टोलीबाट मिलन बोहरा, दीपक बोहोरा र दुर्गेश गुप्ता यसपटक टोलीमा छैनन् ।

राष्ट्रिय टोलीका अलराउन्डर गुलशन झासँगै स्पिनर तिलकराज भण्डारी र बायाँ हाते ब्याटर विपिन रावल टोलीमा आएका छन् । तिलकले यसअघि बागमती र विपिनले कर्णालीको सिनियर टोलीबाट खेलिसकेका छन् । टोलीको कप्तानमा देव खनाल नै नियमित छन् ।

नेपालले एसीसी यू-१९ प्रिमियर कपको विजेताको हैसियतले एसिया कप खेल्दैछ । प्रतियोगिता डिसेम्बर ८ देखि १७ सम्म यूएईमा हुँदैछ । सुरुवातमा पाकिस्तानमा हुने भनिएपनि एसीसीले अन्तिम समयमा प्रतियोगितालाई यूएईमा सारेको हो ।

नेपाल रहेको समूह ए अफगानिस्तान, भारत र पाकिस्तान । समूह बीमा बंगलादेश, श्रीलंका र जापान रहेका छन् ।

नेपालको अन्तिम टोली :

देव खनाल (कप्तान), अर्जुन कुमाल, आकाश त्रिपाठी, दीपक डुम्रे, हेमन्त धामी, गुलशन झा, दीपेश कंडेल, विशाल विक्रम केसी, सुभाष भण्डारी, दीपक बोहोरा, उत्तम रंगु थापा मगर, विपिन रावल, तिलक राज भण्डारी, आकाश चन्द

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
तपाईको प्रतिक्रिया

सम्बन्धित न्यूज

ट्रेन्डिङ्ग

ताजा समाचार